Friday, October 30, 2026

த்யானம் எளிதா ?......how easy is dhyan, the Meditation?

த்யானம் எளிதா ?
முயன்று பாருங்கள்.
முயற்சி பெரிதொன்றும் இல்லை என்பது உணர்வீர்கள்.

அவ்வளவு எளிது.

சரி.
த்யானம் எளிது.
அது அவசியமா?

ஆம்,
அது அவசியம் ஆகாத சாக்ஷத்காரா நிலை கைகூடும் வரை.

ஒரே பரபரப்பு.
வேகம்,
விவேகம் தொலைந்த தாறுமாறு,
பதைபதைப்பு.
உயர் ரத்த அழுத்தம்.

தீர்வெங்கே?
விலை மிகுந்த மருந்துகளிலா ?

மருத்துவர் அடிக்கடி சொல்லும் ஒன்றை நாம் கவனிக்கத் தவறிவிடுவோம். அப்படி என்ன நாம் கூர்ந்து கேட்டுக்கொள்ளாததை அவர் சொல்லியிருக்க கூடும்?.
" இந்த மருந்து சாப்பிடுங்க, இதில் அவ்வளவு side effects இல்லை".

ஆக நாம் காதில் வாங்கிக் கொள்ளாத வார்த்தைகள், side effects. Side effects இல்லை என்றால் அவர் ஏன் rider விட வேண்டும். நிச்சயமாக எல்லா மருந்துகளிலும் side effects உண்டு.

வேறு வழி இல்லையா?
ஏன் இல்லை என்பதே பதில்.

மனது ஆற்றுப்படுவதே, அமைதி நிலை ஆழ்ந்த தியானத்தில்தான்.

த்யானம் விலை ஒன்றும் இல்லை. விலை மதிக்கவொண்ணா ஒன்று. இறைவனின் அற்புதம்.

Tuesday, October 27, 2026

நல்லன எல்லாம் தரும்......All the good values


மகரிஷி அரபிந்தோவின் இந்த செய்தி புரிவது போல் இருக்கும். புரியாதது போன்றும் தோன்றும். ஆழ்ந்த கருத்து ஒன்று பொதிந்திருக்கிறது இந்த நல்ல செய்தியில்.

அனைத்தும் அவன் செயலே, அவன் அருளாலே எனும் பொழுது இங்கே நல்லவர் யார், தீயவர்கள் யார். அவரவர் பரிணாம - evolutionary - வளர்ச்சி அளவே பக்குவப் பட்டிருக்கிறார்கள்.

எல்லோருள்ளும் இறைவன் உறைந்திருக்கிறான் என்றால் இங்கே யார் நல்லவர், நல்லவர் அல்லாதார்?

அன்னை சாரதா தேவியை சந்திக்க அடிக்கடி ஒரு அன்பர் வருவார். ஒரு முறை, தான் முறையற்றவன், அம்மா உங்களைத் தரிசிக்கத் தகுதியற்றவன், இனி தங்களைத் தரிசிக்க வர மாட்டேன் என்று சொல்லி விட்டு விறு விருவென நடையைக் கட்டினார். அன்னை விடவில்லை. ஓடோடி வந்து அன்பரை பிடித்து இழுத்து, ' மகனே, அவ்வாறு எல்லாம் சொல்லாதே. யாரும் தரிசிக்கத் தகுந்தவர், தகுதி இல்லாதவர் என்றெல்லாம் இல்லை. எப்பொழுதெல்லாம் உனக்கு மனக்குழப்பம் நேருகிறதோ, என்னை நினை, நீ தவறேதும் செய்ய மாட்டாய்'.

அன்னையின் செய்தி அன்பரின் மனதில் ஆழமாய் வேரூன்றியது.

நல்லோர் தரிசனம், நல்லதே நடக்கும். நன்மையே பயக்கும்.

सत्सङ्गत्वे निस्सङ्गत्वं
निस्सङ्गत्वे निर्मोहत्वम् ।
निर्मोहत्वे निश्चलतत्त्वं
निश्चलतत्त्वे जीवन्मुक्तिः ॥

Satsaṅgatve nissaṅgatvaṁ
nissaṅgatve nirmohatvam
nirmohatve niścalatattvaṁ
niścalatattve jīvanmuktiḥ

- பஜகோவிந்ததிலிருந்து அற்புத வரிகள்.

 ஆன்றோர், நல்லோர் தரிசனம் 
மோகத்தினின்று விடுதலை.
மன சஞ்சலமின்மை.
நித்சலனமான மனம் என்றும் இறையுள் - உண்மையில் நிலைத்திருக்கும்.
உண்மையில் நிலைத்திருக்கும் இந்தப் பிறவி நிலையிலேயே முக்தியில் திளைத்திருக்கும்.

Monday, October 19, 2026

எளிய கேள்வி, நான் யார்...Who am I?

இந்த மகான் அருணாசலேஸ்வரரோடு ஐக்கியமாகிய 1950 இல் பெரும்பாலான நாம் பிறந்திருக்கவே மாட்டோம். இவரது ஆசிரமம் ஒன்று இருக்கிறது என்று முதல் முறை தெரிந்து, பகவானின் சந்நிதிக்கு சென்று திரும்பிய யாரும் ஏதோ ஒரு இனம் புரியாத நிலையிலேயே நிச்சயம் வந்திருக்க வேண்டும்.

ஒரு அன்பர் ஆலோசனை நிமித்தம் வந்தார். எங்கள் அலுவலகத்தில் இருந்த மஹானின் படத்தை பார்த்ததும், "சமீபத்தில் தான் ஆசிரமம் சென்று வந்தேன். முதல் முறையாக. என்னவோ தெரியவில்லை, விளக்கமுடியாத பேரணுபவம்" என்றார்.

பகவானின் கேள்வி, "நான் யார்?", "who am I?" எளிதான கேள்வி போல் தோன்றும். ஆழ்ந்த profound செய்தி message உள்ளிருக்கிறது.

நீங்கள் எங்கும் யாரிடமும் தியானம் பழகுங்கள், பயிற்சி செய்யுங்கள். பகவான் உத்வேகப் படுத்துவார், தாராளமாக செய்யுங்கள் என்று. என்முறைக்கு மேல் ஏதும் இல்லை, தன் வழியே சாலச் சிறந்தது என்றெல்லாம் நவீன உலக பிரஸ்தாபங்களுக்கிடையே,
பகவான் அமைதியாய், அழகாய் சொல்வது,

'ஆன்ம விசாரம் ஒன்றே வழி,
Who am I?,
நான் யார்?'

என்று.

You are not anywhere.
You search for what you already are.
Once aware,
You are it.
No needs.
No wants.


Monday, October 5, 2026

Humility.... ' நான் ' அகன்ற நேரம்

அண்மையில் ஞாயிறன்று 04.10.2026 ஏ வீ எம் ராஜேஸ்வரி அரங்கில் நிகழ்ந்த வள்ளலார் மகாத்மா காந்தி ஆண்டு விழாவுக்கு செல்லும் வாய்ப்பு.

வள்ளலார் சைவ நல்வர்கள் குறித்து பாடியதின் நினைவைப் போற்றும் கருத்தரங்கம். நெறியாளர் பேராசியர் விசாலாக்ஷி அம்மையார் அவர்கள்.

ஒரு கதை ஒன்று சொன்னார்கள்.

ஒரு செல்வ வளம் நிறைந்த ராஜா தினசரி ஏழை, எளியவர்களுக்கு வேண்டியதை வழங்கி வந்தாராம். இருப்பினும் அவருக்கு சரியான தூக்கம் இல்லை.

அந்த ஊருக்கு ஒரு ரிஷி வந்திருந்தார்.

அவரிடம் சென்று தனது தூக்கமின்மையை கவலையுடன் தெரிவித்தார் ராஜா. 'சுவாமி நான் நிம்மதியாக உறங்குவதற்கு வழி சொல்லுங்கள்", என்றார் ராஜா.

ஞானியும் ராஜாவிடம், "உங்கள் செல்வத்தையெல்லாம் என்னிடம் கொடுத்து விடுங்கள். நான் உங்களைக் கவனித்துக் கொள்கிறேன்" என்றார்.

ராஜாவும் பெரிய மஹான் கேட்கிறாரே என்று மறுக்காமல் செல்வம் அனைத்தையும் ஞானியிடம் கொடுத்து விட்டார்.

ஞானியும் ராஜாவின் அன்றாடத் தேவைகளுக்காக சில பொற்காசுகளை தினசரி வழங்கி வந்தார். ராஜாவும் தன்னை நாடி வந்தவர்களுக்கு உதவி செய்வதை நிறுத்தவில்லை. ஆனால் தற்பொழுது நன்றாக உறக்கம் வந்தது.

மீண்டும் ஞானியை சந்திக்கிறபோது, "உறக்கம் நன்றாக வருகிறதா, என்ன செய்து கொண்டிருக்கிறீர்கள்", என்று ஞானி ராஜாவைக் கேட்டார்.

ராஜாவும் நன்றாக உறக்கம் வருகிறது, நான் முன் செய்த உதவிகளைத்தானே இப்பொழுதும் செய்து வருகிறேன், முன் வராத உறக்கம் இப்போது எப்படி வருகிறது என்று ஞானியிடம் வினவினார் .

ஞானி சொன்னார், " நீங்கள் அரண்மனையிலிருந்த போது நான் கொடுக்கிறேன் என்ற உணர்வோடு கொடுத்து வந்தீர்கள்;

இப்பொழுது கொடுக்கும்போது நான் கொடுக்கிறேன் என்ற உணர்வு தங்களை விட்டு அகன்று விட்டது. இது தான் தாங்கள் நன்கு உறங்குவதின் பின்னணி"